30 de marzo
PROBA MENTE EN FORMA
PROBA MENTE EN FORMA
A maxia da cor
Moitos de vós tedes nas vosas ventanas fermosos arcos da vella para encher de cores estes días na casa. Que vos parece se creamos un arco da vella dentro da nosa casa?
O arco da vella é algo incrible á vista, en especial para os nenos. Observar as súas 7 bandas de cores no ceo fai que che preguntes como se forma e que causa as súas fantásticas cores. Con este experimento coñecerás as respostas a estes interrogantes creando un arcoíris na comodidade da túa casa.
Para crear o teu arco da vella necesitarás:
-Vaso con auga
-Espello
-Cuarto escuro
-Lanterna
Procedemento
Coloca o vaso de auga sobre unha mesa e logo sitúa o espello no seu interior nun ángulo. Asegúrache de que a habitación estea totalmente ás escuras. Pecha todas as cortinas e as persianas para que haxa unha escuridade total. Toma a lanterna e dirixe a luz cara ao espello que situaches dentro do vaso. Observa como aparece un arco da vella no ángulo do teu espello. Axusta o ángulo do espello como queiras!
Acabas de facer o teu propio arco da vella, pero sabes que explicación ten a túa creación? Un arco da vela é un fenómeno óptico que aparece como unha banda de cores nun arco, e é o resultado da refracción dos raios do sol pola choiva. Cando o sol brilla sobre as gotitas de auga na atmosfera fórmase un arcoíris.
IMPORTANTE
"Non esquezas lavar ben as mans antes e despois do reto"
PROBA CORPO EN FORMA
BAILA GALEGO!!
Tedes ganas de mover o esqueleto a ritmo de gaitas e pandeiretas? Imos a alo!
O PRIMEIRO paso é o moi importante. Debes estar de pé, o máis recto que poidas e cos teus brazos ben erguidos e dispostos a CHISCAR!
Agora pasamos aos pés, neste vídeo verás uns sinxelos pasos de MUIÑEIRA!
Atréveste a mandar un vídeo de como o fas ti?
Por certo... saírache mellor se o fas ao ritmo do son... podes por esta canción mentras bailas
LEMBRADE!!
SE ESTAS INTERESADO EN QUE SE PUBLIQUE A RESPOSTA DO TEU RETO, DEBES CUBRIR A AUTORIZACIÓN DE IMAXE NA SEGUINTE LIGAZÓN:
No hay comentarios:
Publicar un comentario